Gesig: Ek hou van...

Ek hou van...

Ek hou van gediggies
 met ritme en rym
 Ek hou van blink liggies
 wat skitter en skyn

 Ek hou van lekker liedjies
 wat almal saam kan sing
 Ek hou van goeie kiekies
 wat mooi herinneringe bring

Ek hou van middagstappies
 veral in die natuur
 Ek hou van vars sappies
 behalwe suurlemoensap – dis te suur!

 Ek hou van borrelbad
 met lekkerruik skuim
 Ek hou van speel op die mat
 maar ek hou nie so baie van opruim

Ek hou van melkkos
 met baie suiker en kaneel
 Ek hou van sjokolade
 maar dis iets wat ek nie graag deel

 Ek hou van kuier en gesels
 maar soms bly ek eerder stil
 Ek hou van diertjies met sagte pels
 maar ek is versigtig vir ‘n krokodil!

Ek hou van mooi musiek
 waarop ek kan dans en sing

Ek hou van ‘n goeie fliek
 veral as ek springmielies saam kan bring
 Ek hou van roomys op ‘n warm dag
 en ek hou daarvan om uit my maag te lag!
 

Ek hou vreeslik baie van lego’s en lugkastele bou
 maar eintlik hou ek die heel meeste
 net van jou!!

-Karyna le Roux