top of page

Suidkus: Doen-dinge met kinders


My ouers het in 2020 Suidkus toe getrek, hulle het definitief nie gaan aftree deur heeldag op die stoep te sit en vir die see te staar nie... nee hulle verken, swem, stap en kuier die Suidkus plat! Ons is geseënd om ook al 'n paar keer te kon gaan kuier en het verskeie kindervriendelike plekke gaan uittoets.

Hier is 'n paar wenke, idees en aanbevelings! (Kliek op die naam vir 'n skakel na die "Google location" van elke plek)

Lekker aftrekplekke oppad Suidkus toe






  • Spur by Harrismith (net voor jy die dorp kry, baie eetplekke) maar Spur het ‘n groot veilige speelplek!








Suidkus aktiwiteite met kinders





  • Wildekus stap: Beskou fossiele, grotte en tel pragtige skulpe op (plus minus 2.5km stap op die strand eenrigting). Probeer met laagwater stap. Parkeer by Wild Coast sun se waterpark parkering, stap af strand toe en draai regs en stap teen die see af tot by die grotte. (Stap is gratis, jy betaal net R20 om met jou kar binne te parkeer)



  • MacBanana is 'n padstal tussen Ramsgate en Port Edward met 'n groot deli, restaurant, skoenlapper habitat "dome", plaasdiere, hindernisbaan, ensovoorts. Iets vir elke lid van die gesin.




  • Palm Beach: getypoel en skulpies optel (Baie skulpe en 'n lekker vlak getypoel vir kleiner kinders, skoon badkamers en veilige parkering)


  • Southbroom Bushbuck Trail en klim-en-klouter. 'n Kort, maklike staproete al langs die riviertjie af met bokkies, apies en baie voëls. Parkeer by Southbroom se tennisklub, stap verby die lekker groot klimraam deur die park, staproete begin op die verste punt.





  • Southbroom Granny's Pool. 'n Heerlike stil strandjie met 'n lekker getypoel en rotse vir vissies kyk, met buite storte en skoon badkamers. Ook rolstoelvriendelik.





  • Dassiepad staproete: Begin by Ramsgate strand, stap noord op wandelroete ('n maklike kort staproete tot by die volgende strand met mooi uitsigte en baie dassies, geskik vanaf 2 tot 70 jaar...)


  • Sherwood Forest: Marina Beach – swembad, braai en speelplek en restaurant. As jul nie lus het vir die strand nie, vat jou eie piekniekmandjie of braaipakkie en gaan speel en swem lekker of eet by hul oulike restaurant met ligte etes. Daar is ook 'n baie oulike winkel met opvoedkundige speelgoed en bordspeletjies!








  • Uvongo Rotary Club vlooimark elke Saterdag. Klomp verskillende stalletjies, popklere, boeke, klere, vars groente en vrugte, speelgoed, witolifant-tafel en heerlike eetgoed teen billike pryse!


  • Brumeth Farm in Hibberdene: Plaasvars varkvleisprodukte, mark, go-karts.


https://brumethfarm.co.za/



http://www.butterflyfarm.co.za/


  • Hibiscus Skibootklub - 'n Stil strandjie met die restaurant op die strand, die kinders kan sommer op die strand speel so tussen die eet deur. Ook baie lekker roomys! Kyk ook hoe die bote uitgaan en daar is gewoonlik 'n paar branderplankryers op dop te hou! 16-18 Des Dorado Derby 2022 viskompetisie


  • Shelly Beach Ski Boat Club: plesier bootritte, visvangritte, kyk hoe bote in- en uitgaan en restaurant

  • Fish on the river: Port Shepstone: kajakritte op rivier

  • Ramsgate hoofstrand: Lagune vir kanoritte of trapbootjies. Reuse opblaas glybaan tydens vakansies. Lekker braaiplekke by die strand. Getypoel aan die een kant en groot skoon strand met lewensredders. Stalletjies, restaurante en kafee op die strand!




  • KC’s Coffee Shop: Lekker groot veilige speelplek vir kinders, restaurant en vars hoendervleisprodukte te koop.




  • Exploring South Coast - KZN Rocks Soek oral geverfde klippies of verf self klippies en los dit om gevind te word. Volg die Faceboek blad vir meer inligting. "(If you find a decorated rock, take a picture, share it with us here on this group, then either keep it (and maybe hide one of your own creations), or place it in another public location. It can be in plain sight or hidden.)"




  • Oribi Gorge (saam met groter kinders) wonderlike staproetes, watervalle en uitsigte. Met die bekende Leopard rock uitsig punt! En ook vele avontuurlustige aktiwiteite by Lake Eland, visvang, zip line, paintball ensovoorts.



STRANDE:

Die Suidkus se 7 Blue Flag strande: Hibberdene, Umzumbe, Southport, Lucien, Ramsgate, Marina en Trafalgar






Suidkus kindervriendelike restaurante


Larry’s Uvongo

The Wreck – Port Edward

The Cowshed Coffee and Pottery Shop – Lekker groot speelplek met 'n fietsiebaan en fietsies en interessante winkeltjies (heerlikste "white hot chocolate"!)– naby Port Edward

 Spur/ John Dory’s of Panarottis in Shelly Centre met binne, onder dak speelplek vir die reëndae!

Hibiscus Skibootklub restaurant op die strand – eet vis en chips uit papier

KC’s Coffee Shop – speelplek, restaurant

Fish on the river: Heerlike, baie bekostigbare vis – “Where the fish is fresher and the batter better!!” - Speelhoekie (Beste uieringe in die land)

Waffle House, Ramsgate - speelplek

Ander lekker restaurante


Pavillion - Uvongo strand: Seekos, pizza en pasta

The Gallery: Trafalgar – Fynproewergeregte

Jaxx – Umtentweni - Pub met baie lekker kos

Munchen Haus – St. Michaels – Duitse geregte

Chefs on Marine – beste ontbyte en middagetes

The Cellars at Honeyfood - Fynproewergeregte

Flavours – Fynproewergeregte

The Packshed – Fynproewergeregte

The Lobster Pot – ouwêreldse sjarme

Mozambik Margate

Casa do Joao – Eg Portugese restaurantjie