Maak self hierdie oulike pad vir karretjies

Ek het altyd ‘n lys van planne en idees vir selfdoen projekte in en om die huis.


Gewoonlik soek ek die prentjies en my man moet die opdragte uitvoer.


Maar hierdie keer was dit so maklik, ek kon dit sommer self doen.



Karretjies speel, paaie bou, modder, sand en water. Dit klink soos ‘n wen-kombinasie om al die kinders, van klein tot groot, besig te hou! En jy kan sommer hierdie karretjie-paadjie inspan vir grootmotoriese aktiwiteite ook!!


Dis is ‘n lekker buite- en binne-aktiwiteit.


Benodigdhede

  • ‘n Paar rondlê plankies of afval hout.

  • Swart verf

  • Wit verf

  • “Glaze" of seëlaar

  • Kinders en karretjies om die projek mee af te rond




Maak so

  1. Vee die plankies mooi skoon (skuur indien nodig om splinters te voorkom)

  2. Verf die plankies swart

  3. Wanneer dit droog is, verf die wit lyne

  4. Wanneer die lyne droog is, verf dit met die “glaze of sealent”

  5. Soek ‘n plek in die tuin (of in die huis) waar hulle kan speel..




Só maklik soos dit…. Speeltyd!!!


Voordele van karretjies speel vir kleuters:

  • Fyn motoriese ontwikkeling

  • Verbeelding en kreatiewe ontwikkeling

  • Kommunikasie- en taalvaardighede

  • Kognitiewe ontwikkeling

  • Hand-oog koördinasie

  • Interaktiewe spel saam met ander maatjies

  • Sosiale vaardighede

  • Bilaterale koördinasie en midlynkruising

  • Balans


Ons kinders het met radio-beheer karretjies gekyk wie kan die langste op die baan bly


Ons het ook die aktiwiteit so bietjie aangepas en verander in 'n grootmotoriese aktiwiteit


Dit oefen:

  • Balans

  • Beplanning

  • Ruimtelike oriënterting


Oefen dit so:

  • Loop vorentoe

  • Loop dan agtertoe

  • Loop met toe oë

  • Loop hakkie-toon








135 views0 comments

Related Posts

See All
 
  • Instagram
  • Pinterest
  • Facebook